Monday, May 26, 2014
ကလေးအစာ ကလေး ၆ လပြည့်လျှင်
ကလေးအစာ ကလေး ၆ လပြည့်တဲ့ အထိ မိခင်နို့တိုက်ခိုင်းတဲ့ ကလေးအထူးကုတွေ ရှိသလို ၄ လလောက်မှာ ဖြည့်စွက်စာ စကျွေးခိုင်းတဲ့ ကလေးအထူးကုတွေလည်း ရှိပါတယ်။ ဒါကတော့ ကိုယ့်ကလေးအတွက် ကိုယ်ကြိုက်သလို ဆုံးဖြတ်ပါ မေမေတို့ရေ။ မနန်းကတော့ ကလေး ၄ လလောက်မှာ သွားရည်တွေ သိပ်ထွက်လို့ ၄လခွဲမှာ ဖြည့်စွက်စာ ကျွေးပါတယ်။ Nestel ကထုတ်တဲ့ ဆန်မှုန့်တွေကို ကျွေးတယ်။ တချို့က မွေးပြီး တစ်ပတ်လောက်ကတည်းက ထမင်းကို ချေကျွေးတာလည်းရှိတယ်။ ဒါပေမဲ့ မေမေတို့ရေ ကလေး ၆လလောက်မှ ထမင်းကို ခြေကျွေးစေချင်တယ်။ ကလေးရဲ့ လည်ချောင်း၊ အစာအိမ်တွေက ဒီထမင်းကို လက်ခံနိုင်ပါ့မလားနော်။ ကလေး ၆လမှာ ဆန်ပြုတ်ကို ပဲနီလေးနဲ့ ထည့်ပြုတ်တိုက်လို့ရတယ်။ အရပ်ထဲမှာတော့ ထမင်းကျွေးမှ အသားမာတယ်။ ကျစ်တယ်။ ကလေးဝတယ်။ သန်မာတယ်လို့ ပြောကြတယ်။ ကိုယ့်ဉာဏ်နဲ့ ကိုယ် ဖြစ်သင့်တာ လုပ်ကြပါနော်။ ကျွန်မကတော့ ခဏခဏ ကလေးအထူးကုနဲ့ ပြတယ်။ နှစ်လတစ်ခါပေါ့လေ။ ပုံမှန်စစ်ဆေးတာ ဆိုတော့ ကောင်းတာပေါ့နော်။ ဘာကျွေးရမလဲ။ ဘာညာ မေးတာပေါ့။ ဝသလား။ ပိန်သလားဆိုတာ့ ဒေါက်တာက ပြောတယ်။ အမေဝရင် ဝမယ်။ အဖေဝရင် ဝမယ်။ မျိုးရိုးအတိုင်းလာမယ်။ ဝချင်ဝ ပိန်ချင်ပိန် ကျန်းမာဖို့ပဲတဲ့။
Subscribe to:
Post Comments (Atom)
No comments:
Post a Comment